今日老公同佢屋企人上左中山,因為佢二佬結婚呀~~本來我都有得去架,但係因為宜家做飲食業既關係,同埋又係禮拜日梗加唔會又得放,雖然真係好想放,但冇辦法啦>.<唯有今日自己一個係屋企喇~~~~~~~好可憐呀~~~~

 

今日係公司到發生左一件事呀,就係........................我間公司原來都可以擺喜酒架,今日我地點心部大師傅個唔知咩親戚結婚就揀左係自己間公司度攪,今日上到去好緊張,完全唔知點做只好~~~(騰鷄中),唯有邊學邊跟前輩學嘢.......之後仲係度睇啲背景,雖然個廳唔係好大,唔係容納到好多人,但係比我既感覺係好靚(可能我不嬲都鍾意睇這樣東西,所以每一樣嘢都覺得佢好靚)好簡單而隆重,睇完之後就開始發白日夢喇~~~<嘻嘻>係度諗究竟幾時輪到自己呀~~~(笑)

之後到左夜晚收工,咁岩經過7樓,咁岩開始散席...啲客人又要搭升降機走,咁之後我同美玲出黎,諗住行樓梯啦,點知俾經理叫住,咁我以為經理想叫唔知跟d咩啦,點知經理俾左封利是過我,之後佢話係新人俾既,之後我就好識做,講左幾句好聽說話就走人喇~~~~~呵呵~~~好嘢有利是收.......,第一之咋,除左屋企人之外,收到其他人俾既利是咋.....唔知新年會係咩景況呢~~~~(期待中)

 

 

 

好喇....唔講lu~~~~~~聽日又要返早喇~~~~繼續努力,為左實現自己既夢想!!!!!